जगजितले पोलिस क्लब वियालस्टोकमा ट्रायल दिने

२२ जेठ, काठमाडौं । पोल्याण्डको एक डिभिजन क्लब जागिएलोनिया वियालस्टोकले नेपाली फुटबलर जगजित श्रेष्ठलाई दुई महिने ट्रायलमा बोलाएको छ । नेपालका पूर्व सहायक प्रशिक्षक रिचार्ज ओर्लोस्कीले श्रेष्ठलाई ट्रेनिङको मौका मिलाइदिएका हुन् । ‘अब दुई महिनाका लागि ट्रायलका लागि इन्भाइट आएको छ’ जगजितले अनलाइनखबरसँग भने-भोलिबाट भिसाका लागि प्रक्रिया अघि बढाउँछु ।’ उनले नेपाली खेलाडीहरुलाई यस्तो अबसर कमै आउने भन्दै गर्न सक्ने आश र विश्वास रहेको बताए ।

वियालस्टोक क्लबले श्रेष्ठलाई भिसा दिन काठमाडौंस्थित पोलिस काउन्सुलरलाई पत्र समेत पठाएको छ । क्लबका अनुसार जगजितको ट्रेनिङ जलाई १ देखि अगष्ट ३१ सम्म हुनेछ । ९४ वर्ष पुरानो वियालस्टोक यो सिजन पोलिस लिगमा ११ औं स्थानमा छ । २०१० मा पोलिस लिग जित्दै युरोपा लिग समेत खेलेको थियो । जगजितले यसअघि जर्मनीमा समेत उक महिना प्रशिक्षण लिएका थिए । नेपालका युवा स्ट्राइकर विमल घर्तिमगर पनि एन्डरलेक्टमा ट्रायल दिएर आएका छन् ।

Labels: Sports News