नायिका प्रियंका चोपडालाई 'सेक्सिएस्ट बिकिनी बेब' को टाइटल

काठमाडौ, असार ४ - ठूलो जनसंख्या भएको भारतमा मत सर्वेक्षणका आधारमा गरिने पोलिङ बढी फस्टाएका छन् । विभिन्न टाइटल रचेर पोलिङ गर्ने होड नै चल्दै गइरहेको छ । त्यसमा पनि ग्ल्यामरको क्षेत्रमा कोभन्दा को सेक्सी वा सुन्दरी भन्ने विभिन्न उमेर, लिंग र अवस्थाका सर्वेक्षण बढी हुने गरेका छन् ।

हालै गरिएको एउटा सर्वेक्षणले बलिउड नायिका प्रियंका चोपडालाई 'सेक्सिएस्ट बिकिनी बेब' को टाइटल दिएको छ । पूर्व मिस वल्र्डसमेत रहेकी प्रियंका चोपडाले अप्रत्यासित रूपमा कुल मतको ९५ प्रतिशत पाएर सूचीको अग्रपंक्तिमा आएकी थिइन् । खसेका साढे २३ हजार भोटमध्ये उनी एक्लैले साढे २२ हजार पाएकी थिइन् । नायिकाबाट गायिका बनेर विश्व सांगीतिक आकाशमा समेत टिलपिलाउँदै गएकी  प्रियंका चोपडा बिकिनी पोजमा समकालीन नायिकाहरूलाई धेरै तल छोडिदिएकी हुन् ।

दोस्रो स्थानमा रहिन् कटि्रना कैफ । उनले ४ सय ५४ मत पाएकी थिइन् भने तेस्रो स्थानमा आएकी दीपिका पादुकोणले कटि्रनाको भन्दा पनि आधा मत पाएकी थिइन् । पोर्न स्टारको छवि तोड्ने कसरतमा रहेकी सनी लियोनीलाई भने २ सय १२ जनाले मात्रै बिकिनीमा सर्वाधिक सेक्सी माने, जुन कुल मतको एक प्रतिशत मात्रै हो । बाँकी एक प्रतिशत नै मत पाउनेहरूमा अनुष्का शर्मा, आलिया भट्ट, नरगिस फाखरी, करिना कपुर, इशा गुप्ता, सोनम कपुर रहेका थिए |

Labels: Entertainment News