Health Tips » सुनखानीबाट विष निस्किदा अट्ठाइसको मृत्यु, दर्जनौं घाइते

स्वास्थ्य खबरपत्रिका
नाइजेरिया– नाइजेरियाको दुर्गम मध्यपश्चमी गाउँमा गैरकानुनी सुन खानीमा विषाक्त सिसाका कारण २८ व्यक्तिको मृत्यु भएको स्वास्थ्य अधिकारीहरुले बताएका छन् । यस दुर्घटनामा दर्जनौँ व्यक्ति बिरामी परेको बताइएको छ ।

सन् २०१० मा जामफारा राज्यको सोही क्षेत्रमा चिकित्सकहरुले विषबाट प्रभावित बालबालिकाको उपचार गरेका थिए र उक्त घटनापछि विष सफा गर्न सरकारी कोषमा ढिलाइका कारण ४०० बालबालिकाको मृत्यु भएको थियो भने धेरै पक्षघातबाट पीडित भएका थिए ।
डक्टर्स विथआउट बोर्डर्सले शुक्रबार यस विषबाट प्रभावित पाँच हजार ५०० बालबालिकामध्ये आधालाई उपचार गरिएको जानकारी दिएको छ ।
स्वास्थ्य सहायक मन्त्री फिदेलिस न्वानक्वाले विषले प्रभावित पीडित ५ वर्ष मुनिका बालबालिका भएको र उनीहरुको मृत्यु दर ४३ प्रतिशत देखिएको बताए ।
रासस र एपी