.आँखामा आँशु पार्दै सविना भन्छिन्ः तीन घण्टा पुरिएकै ठाउँमा छोरा चिच्याएपछि दुध खुवाएँ

सिन्धुपाल्चोक दुवोचौरकी १८ बर्षिय सविना लामालाई वैशाख १२ गते गएको विनाशकारी भूकम्प एक पटक पनि सम्झन मन छैन । ग्राण्डी अन्तर्राष्ट्रिय अस्पतालमा उपचाररत घाइते लामाले स्वास्थ्य चौकीको छतले तीन घण्टासम्म पुरिदा बाँच्ने आशा गरिकी थिइनन् । काखमा रहेको एक महिनाको छोरालाई बचाउँन खोज्दा स्वास्थ्य चौकीको छतले पुरेको सम्झँदा भक्कानिँदै उनले भनिन,‘तीन घण्टा पुरिएर निसासिएपछि छोरा निकै चिच्यायो त्यहीभित्र दुःख खुवाए ।’ आफ्नो भन्दा पनि छोराको मायाले बढी सताएको बताउंदै लामाले छोरा र आफू हैन श्रीमान पनि बाँच्न सफल भएकाले त्यो पीडा कम हुँदै गएको बताइन । पुरिएको ठाउँमा बाहिरबाट श्रीमान सहित गाउंलेहरुले खोतल्दै तीन घण्टापछि निकालेछन । मैले छोरालाई केही हुन्छ कि भनेर छातीमा टासेर राखेको थिए होसमा आउंदा छोरा र श्रीमानलाई देख्दा खुसीको सीमा नै रहेन ।

Labels: News