News » -...उद्दारमा आएका सबै अमेरिकी फर्किने..

काठमाडौं, जेष्ठ ६ - महाभूकम्पपछि नेपालमा उद्दार र राहतका लागि आएका सबै अमेरिकी सैनिक टोली फर्किने भएको छ । बुधबार सैनिक मुख्यालयमा आयोजित पत्रकार सम्मेलनमा नेपाल आएको अमेरिकी सेनाको ज्वाइन्ट फोर्स कमान्डर जोन विस्लरले आफ्नो टोली फर्किने बताएका हुन् ।

उनका अनुसार ४ वटा ओस्प्रे विमान बिहीबार फर्किने छन् । बाँकि ५ हेलिकप्टर पनि लगत्तै जाने उनले बताए । एउटा अमेरिकी हेलिकप्टर भने सिन्धुपाल्चोकको घोरथलीमा दुर्घटनाग्रस्त भएको थियो ।

उनले नेपाली सेनासँगको सहकार्य राम्रो भएको बताए । हेलिकप्टर दुर्घटनामा दुई नेपाली र ६ अमेरिकीको मृत्यु भएकोमा उनले दुख व्यक्त गरे । पत्रकार सम्मेलनमा नेपालका लागि अमेरिकी राजदुत पिटर डब्ल्यु बोडीले नेपाललाई चाहिएमा अमेरिका अरु सहयोग गर्न तयार रहेको बताए । ‘पुननिर्माणमा आवश्यक परे इन्जिनियरको टोली पनि आउन सक्छ,’ उनले भने ।

नेपाली सेनाका सेनापति गौरव शमशेर जबराले सहयोगका लागि आएकोमा अमेरिकी सेनालाई धन्यवाद दिए । Source: Ekantipur