News » अपडेटः मकवानपुर दुर्घटनामा मृत्यु हुनेको संख्या ९ पुगे

हेटौंडा, जेष्ठ ४ - मकवानपुरको मनहरी- ३ मा सोमबार दिउँसो बस र ट्रक जुध्दा मृत्यु हुनेको संख्या ९ पुगेको छ ।

वीरगञ्जबाट नारायणगढतर्फ जाँदै गरेको ना ५ ख ३६९६ नम्बरको बस र बिपरीत दिशाबाट आइरहेको ना ४ ख ५७६५ नम्बरको ट्रक ठक्कर खाँदा ६ जनाको घटनास्थलमै र बाँकीको उपचारकोक्रममा मृत्यु भएको हो । मृतकको पहिचान खुलेको छैन ।

अञ्चल प्रहरी कार्यालयका एसएसपी मनोज न्यौपानेका अनुसार दुर्घटनामा २७ जना घाइते भएका छन् । तीमध्ये २३ जनालाई उपचारका लागि भरतपुर लगिएको छ भने ४ जनाको मनहरी स्वास्थ्य चौकीमा उपचार भइरहेको छ ।