News » ‘थुक्क’ भन्दै प्रचण्ड पुत्रले के लेखेको यस्तो !

काठमाडौं । एमाओवादी अध्यक्ष पुष्पकमल दाहाल प्रचण्डका एक्ला छोरा हुन् प्रकाश दाहाल । बेलाबेलामा विभिन्न हर्कतका कारण विवादमा तानिइरहने प्रकाश सामाजिक सञ्जालमा प्रस्तुत हुने शैलीको कारण समेत आलोचित हुने गरेका छन् ।

 मूलूकको तेस्रो ठूलो दल र प्रभावकाली नेताको पुत्र भएरपनि आफ्नो धरातललाई बिर्सेर उनले साजिक सञ्जालमा लेख्ने उग्र बिचारका कारण प्रकाश बेलाबेलामा आलोचित बन्ने गरेका हुन् । आफ्नो, बाबु तथा पार्टीको बचाउको लागि उग्र रुपमा प्रस्तुत हुने प्रकाशलाई कतिपय कार्यकर्ताले ‘होमा हो’ मिलाउँदै सही थाप्ने गरेपनि आलोचकहरुले भने प्रकाशको सनकी शैलीको आलोचना गर्दै आएका छन् । केहि पहिले पार्टीभित्रै पनि विभिन्न कारणले आलोचित बन्न पुगेका उनी त्यसलगत्तै प्रचण्डको सचिवालयबाट बाहिरिएर बंगुरपालन व्यवयासतिर लागेको भनिएपनि हाल पनि उनी सचिवालयमै देखिन्छन् । यद्यपी उनको व्यवसाय अहिले पनि कायमै रहेको बताइन्छ । हाल आएर प्रकाशले फेरि पनि मिडियाहरुलाई तल्लोस्तरको गाली गर्दै भुकम्पपछि राहत वितरणमा पार्टी र प्रचण्डको विषयमा भएको टिप्पणीलाई ढाकछोपको प्रयास गरेका छन् । उनले ‘थुक्क’ भन्दै हिस्कीको नसामा परेर जे पायो त्यही टिप्पणी गरिएको आरोप लगाएका छन् । उनले केहि अनलाइनलाई ‘च्याउ सराबरी भतुवा बार्गेनिंग गरेर पैसा उठाउने डनको हप्ता उठाउने शैली’ को रुपमा चित्रित गर्दै राहत विरोधी कुरा नगर्न समेत टिप्प्णी गरेका छन् । source tajakhabar