Entertainment News » बलिउडमा अहिले सम्मकै सबैभन्दा ठूलो झगडा हुने अनुमान, दुई खान बिच टकराव।

बलिउडका नायक सलमान खानले ईद २०१७ मा ‘दबङ्ग-३’ रिलिज गर्ने जानकारी गराएका छन् । बलिउडका २ महानायक शाहरुख खान र सलमान खानको टक्करको कुराकानी धेरै समयअघि देखि नै चलिआएको हो ।

ईद २०१६ मा एकैचोटी रिलिज हुने शाहरुख खानको ‘रइस’ र सलमान खानको ‘सुल्तान’ नामक चलचित्रले थप कुराकानी बढेको छ । साथै सलमान खानले ‘सुल्तान’ चलचित्रको शुटिङ्ग समाप्त हुने बित्तिकै ‘दबङ्ग-३’ को लागी शुटिङ्ग सुरु गर्ने जानकारी दिएका छन् । यसअघि रिलिज भएका ‘दबङ्ग’ र ‘दबङ्ग-२’ दुवै हिट भएका थिए ।

‘सुल्तान’ र ‘रइस’ को रिलिज भएपछि बलिउडमा अहिले सम्मकै सबैभन्दा ठूलो झगडा हुने अनुमान गरिएको छ । यसको उदाहरण ट्विटरमा अहिले देखि नै भैरहेको फ्यानहरुको चर्काचर्कीले पनि जनाउँछ।
हालै इन्टरनेटमा आएको ‘सुल्तान’ चलचित्रको ट्रेलरमा पनि ईद २०१६मा रिलिज हुने ऊल्लेख गरिएपछि सो अनुमान गरिेएको हो । यसकारणले ‘रइस’ को रिलिज कुनै अरु तारिखमा हुने धेरैले अनुमान गरेका थिए । तर निर्माता ‘रितेश सिधवानी’ले सो चलचित्रको रिलिज हुने दिन परिवर्तन नगर्ने बताएका छन् ।
स्रोत : नेपाली हेडलाइन्स