-सलमान खानले ल्याईन् ऐश्वर्या जस्तै स्नेहा..

मुम्बई । १० वर्ष अघि अभिनेत्री ऐश्वर्या रायसँग झगडा परेपछि ऐश्वर्या रायजस्तै लुक्स भएको हिरोईनको खोजीमा जुटेका सलमान खानले स्नेहा उल्लालाई बलिउड प्रवेश गराएका थिए ।

हिन्दी चलचित्र ‘लक्की’मा स्नेहाको तस्बिर हेर्नेहरु मध्ये कतिले भने पनि ‘स्नेहा र ऐश्वर्याको अनुहार उस्तै छ । तर, फिल्म रिलिज भएपछि स्नेहाको चर्चा कतै भएन । बलिउडवाट गायब भईन् उनी ।उनै नायिका स्नेहा १० वर्षपछि फेरि अभिनयमा फर्केकी छिन् ।

‘म १० वर्षपछि पुनः फर्किदैछु । यस्तो अवसर कमैले मात्रै पाउँछन् । बलिउडले कसैलाई पनि यस्तो मौका दिदैन, जुन मैले पाएा ।’ एजेन्सीसँग कुरा गर्दै स्नेहाले भनिन् ।

सलमान खानसँग ‘लक्की’ मा काम गरेकी स्नेहाको फिल्मी करिअर भने फिल्मको असफलतासंगै अनलक्की साबित भएको थियो । त्यसपछि केही तेलुगु फिल्म खेलेकी स्नेहाले लक्की असफल हुनुको कारण आफैलाई मान्छिन् ।

‘लक्कीमा काम गर्दा म भर्खर १६ वर्षकी थिएँ, मैले त्यति धेरै मेहनत नै गरिन ।’

करिअर चम्कनलाई स्टारको साथ भएर मात्रै पुग्दैन भन्नेमा उनी जानकार छिन्, कलाकारको मेहनत र भाग्यले पनि प्रभाव पार्छ जस्तो लाग्छ उनलाई । Source: Onlinrkhabar.com

Labels: Entertainment News