News » खुशीको खबर....बिदेशमा बस्ने नेपालीलाई लगानीको मौका

काठमाडौ – विदेशमा दिन रात नभनी रगत पसिना बगाई आफु र आफ्ना परिवारको भबिष्यको लागि पैसा कमाई रहनुभएको छ तर त्यो रकम रेमिट्यान्स कम्पनीहरु मार्फत स्वदेश पठाएर फजुल खर्चमा सकिरहनु भएको छ भने अब नेपाल सरकारले रोजगारीको सिलसिलामा विदेशिएका नेपालीहरुलाई सरकारले महंगो ब्याज प्राप्त हुने सरकारको बचत पत्र किन्ने अवसर जुटाउदै छ |

नेपाल राष्ट बैंकले ९ प्रतिशत व्याजदरमा वैदेशिक रोजगार बचतपत्र २०७७ निष्कासन गर्ने तयारी गरेको छ । आगामी असार ६ देखि १९ गतेसम्म विक्री खुल्ला हुन लागेको उक्त ऋणपत्रमा २४ गते बांडफांड गरिसकिने राष्ट्र बैंकले जनाएको छ । पाँच वर्षका लागि आह्वान गरिएकोे वैदेशिक रोजगार वचतवर्ष कूल २५ करोड रुपैंयाको बिक्री गरिने भएको छ । उक्त वचतपत्र किन्नेले हरेक छ महिनामा ९ प्रतिशतका दरले ब्याज पाउने छन् । वचतपत्रमा वैदेशिक रोजगारीको सिलसिलामा विदेशी भूमिमा रहेका नेपालीका अलवा वैदेशिक रोजगारबाट फर्किएको चार महिना नपुगेकाहरुले मात्र लगानी गर्न सक्नेछन । कम्तीमा पाँचहजार देखि बढीमा पाँच हजार रुपैयाँले भाग गर्दा निशेष रहने रकमसम्म वचतपत्रमा लगानी गर्न सकिने जनाईएको छ । पाँच बर्ष अबधि नपुग्दै रकमको आबश्क्यकता परेमा बचत पत्रलाई बिक्री गरेर रकम प्राप्त गर्नसकिने ब्यवस्था पनि गरिएको छ । बचतपत्रमा मुलुक बाहिरको रोजगारीबाट फर्केको चार महिना नपुगेका नेपाली नागरिक वा गैर आवासीय नेपालीले आफू वा आफ्नो परिवारको सदस्य जस्तै बुवा, आमा, श्रीमान, श्रीमती, छोरा, छोरी मात्रको नाममा खरिद गर्न सकिने राष्ट्र बैंकले जनाएको छ । बचत पत्र अमेरिका, बेलायत, खाडीका मुलुकहरु र मलेशियालगायतका अन्य मुलुकहरुमा बिक्री गरिने भएको छ । आइएमई मनि टान्सफर,प्रभु मनि टान्सफर, प्रभु बैंक, सिटि एक्सप्रेस,सेञ्चुरी कर्मसियल,सनराइज बैकको शाखाहरुबाट आवेदन दिन सकिने बैंकले जनाएको छ । हाल नेपालका बाणिज्य बैंकहरुले मुद्धती खातामा रकम राख्दा सात प्रतिशतसम्म ब्याज दिईरहेको अबस्थामा सरकारले बिदेशिएका नेपालीहरुलाई प्रत्यक्ष लाभ पुग्ने गरी ९ प्रतिशत ब्याज दरको बचत पत्र जारी गर्न लागेको हो । सरकारले हालैको भुकम्पबाट भएको भौतिक संरचनाको पुननिर्माण र बिकासका लागि ५२ अर्ब राष्ट्र ऋण उठाउने क्रममा बचत पत्र बिक्री गर्न खोजेको हो । source taja khabar