Aajako Rashifal » ज्योतिष लोहनी भन्छन्, ‘२०७३ सालमा शेरबहादुर देउवा प्रधानमन्त्री : राजसंस्था फर्कने योग

काठमाडौं ।
नयाँ वर्ष २०७२ प्रारम्भसँगै हामी मुलुक समृद्धिको शुभकामना आदानप्रदान गरिरहेका छौं । गर, ज्योतिषीय नजरमा भने यो वर्ष नेपाल र नेपालीका लागि निष्फल हुने देखिएको छ । देशका एक जना चर्चित ज्योतिष ओजराज लोहनी भन्छन्, ‘२०७१ भन्दा पनि २०७२ नेपाल र नेपालीका लागि पीडादायी हुनेछ । ‘जेठसम्म मुलुकले नयाँ संविधान पाएन भने यो वर्ष नै संविधान नआउँने खतरा छ ।

देशका नेताहरुको भाग्यमा यो वर्ष नेपाली कांग्रेसका नेता शेरबहादुर देउवालाई फापेको छ । ज्योतिष लोहनी भन्छन्, ‘शेरबहादुर देउवा प्रधानमन्त्री भएपछि २०७३ साल असारमा राजसंस्था फर्कन सक्छ ।’

लोहनीलाई आधार बनाउँदा देशको राशीअनुसार परस्पर विरोधी राजा ग्रह शनिमा र मन्त्रीग्रह मंगलमा भएकाले यस वर्ष देशको प्रशासनिक क्षेत्र ज्यादा अप्ठेरोमा पर्ने, राजनीतिमा व्यापक उत्तारचढाव हुने र सैन्यशक्ति सकृय हुने सम्भावना प्रबल रहेको भन्छन् उनी ।

ज्योतिषशास्त्र अनुसार असार महिनासम्म सूर्य बलवान् भएकाले देशले त्यति ठूलो बिपत्तिको सामना गर्नु पर्ने नभए पनि त्यसपछि धार्मिक द्वन्द्वको खतरा रहेको र त्यसलाई धार्मिक शक्तिले नै नियन्त्रणमा लिने सम्भावना देखाउँछन्, उनी ।

असारको अन्तिमदेखि राहु र केतु सकृय हुने भएकाले देशले आर्थिक संकट र वैदेशिक हस्तक्षेपको सामना गर्नुपर्ने, विमान दुर्घटना, आगलागी जस्ता दुर्घटना बढी हुन सक्ने र व्यपारमा निर्यात् कम हुने भएकाले आर्थिक संकटको अवस्था आउँन सक्ने ज्योतिषी लोहनीको अनुमान छ । यदी जेठ भित्रमा देशले नयाँ संविधान पाउँन सकेन भने यो संविधानका लागि अरु वर्ष कुर्न पर्ने उनको ठम्याई छ ।

 र, ज्योतिषी लोहनी भन्छन्, यो वर्ष संविधान आएन भने २०७३ साल असारसम्ममा देशमा राजसंस्थाको पुनरागमन नहोला भन्न सकिन्नँ ।
ज्योतिषीय नजरमा अनेकन कारण वर्ष ०७२ सुखमय नहुने भनिए पनि मुलुकमा केही राम्रो कामको थालनी भने यसै वर्षबाट सुरु हुने वताउँछन्, उनी । यसरी ज्योतिष शास्त्रअनुसार वर्ष ०७२ समृद्धिका लागि अनुकुल छैन भनिए पनि हामीले हाम्रो सोच र कर्मलाई निरन्तर समृद्धिउन्मुख बनाउँनै पर्छ