News » -Breking News.. जहाज डुबेर ४३१ जनाको मृत्यु..

जियान्ली (चीन) : चीनको एक पानीजहाज ‘इस्टर्न स्टार’ डुब्दा मृत्युहुने व्यक्तिको सङ्ख्या ४३१ पुगेको छ ।

आइतबार बिहानसम्ममा मृत्युहुने यात्रुसहितका व्यक्तिको सो सङ्ख्या घोषणा गरिएको छ । आइतबार बिहानसम्ममा कुल ४३१ व्यक्तिको मृत्यु भएको पुष्टि भएको सिन्ह्वा समाचार संस्थाले उल्लेख गरेको छ । यस दुर्घटनालाई चीनमा करिब ७० वर्षमा भएको सबैभन्दा नराम्रो जहाज दुर्घटनाका रुपमा लिइएको छ।

सो दुर्घटनाको उद्वारको काम जारी रहेको छ । आइतबार बिहान ११ बजेसम्ममा सो पानीजहाज डुब्दा भएको मृत्युको सङ्ख्या ४३१ पुगेको अधिकारीहरुले जनाएका छन् ।

याङजी नदीमा सोमबार आँधीका कारण डुबेको उक्त जहाजमा रहेका ४५६ व्यक्तिमध्ये १४ मात्रको जीवितै उद्वार गर्न सकिएको बताइएको छ ।

जहाजमा रहेका व्यक्ति प्रायः ६० वर्ष माथिका पर्यटक भएको जानकारी दिइएको छ । शुक्रबार उद्धारकर्ताहरूले उक्त जहाजलाई माथि उठाएपछि र जहाजभित्र रहेका शव फेला पर्न थालेको हो ।

मध्य चीनको हुबेई प्रान्तको प्रशासनले दिएको जानकारीअनुसार त्यस जहाजमा परी अझैपनि ११ जना यात्रु हराइरहेका छन् । सिन्ह्वा समाचार संस्थाले उक्त जहाजमा मर्नेको सङ्ख्या ४३१ पुगेको जानकारी दिएको छ ।

उद्धारकर्ताहरूले ठूलो क्रेनको प्रयोग गरी उक्त जहाजलाई शुक्रबार माथि ल्याउन निकै प्रयास गरेका थिए पानीको निकै गहिरो तालबाट डुबेको सो जहाजबाट उक्त विमानलाई माथि उचालिएको थियो ।

नानजिङ सामुद्रिक केन्दले दुई वर्ष अगाडि उक्त जहाजले सुरक्षा व्यवस्था तोडेको उल्लेख गरेको थियो भने अनुसन्धानकर्ताहरूले उक्त जहाजको संरचनामा अनुसन्धान गर्ने भएको सीसीटीभीले जानकारी दिएको छ । रासस/एएफपी स्रोत : annapurnapost