Filmy Khabar » .नायिकालाई भूपू ब्वाइफ्रेण्डले सडकमै पिटेपछि… सोनी सिंह

मुम्बई । ‘बिग बोस’ सीजन ८ कि प्रतियोगी तथा साना पर्दाकी नायिका सोनी सिंहलाई खुल्ला स्थानमा आक्रमण गरेको घटना सार्वजनिक भएको छ ।

उनीमाथि उनकै पूर्वप्रेमीले आक्रमण गरेका हुन । उनका पूर्व प्रेमीले गएराति मुम्बईका बर्सोवामा घुम्न निस्किएका बेला आक्रमण गरेका हुन् ।

घटना भएको समयमा आएका एक व्यक्तिका अनुसार सोनीका पूर्व प्रेमीले जबरजस्ती कारको छेउमा लगेर कुटपिट गरेका थिए ।

उनलाई छुट्याउन आएकाहरुलाई पनि सोनीले यो आफ्नो व्यक्तिगत समस्या भएको भन्दै नमुछिन आग्रह गरेकी थिइन् । त्यसपछि त्यहाँ उपस्थित एक व्यक्तिले प्रहरीलाई खबर गरेका थिए ।

त्यसपछि उनलाई प्रहरीले पक्राउ गरी मुद्दा चलाएको छ । सोनी साना पर्दामा चर्चित छिन् । उनले बिगबोस ८ को पछिल्लो सिजनमा भाग लिएकी थिइन् ।

यससँगै उनले सीरियल ‘घर की लक्ष्मी बेटिया’, ‘सरस्वती चन्द्र’, ‘कमेडी नाइटस विद कपिल’ जस्ता शोहरुमा समेत अभिनय गरिसकेकी छन् ।source nepali-khabarsite