News » सामाजिक सन्जालमार्फत् आफूलाई बचाउन अपील गरेकी रश्मी थापालाई सिरियामा पठाउने दलाल शोभाकान्त भट्टराई पक्राउ

काठमाडौं, आषाढ २२ । सामाजिक सन्जालमार्फत् आफूलाई बचाउन अपील गरेकी रश्मी थापालाई सिरियामा पठाउने दलाल शोभाकान्त भट्टराईलाई प्रहरीले पक्राउ गरेको छ ।

‘सिरियामा कस्टकर जीवन बिताइरहेकी’ रश्मीलाई पठाउने पर्वतको उरामपोखरा गाविस वडा नम्बर–६ का शोभाकान्त भट्टराइलाई ‘सीआइबी’ले काठमाडौंको चाबहिलबाट पक्राउ गरेको हो । बुटबलकी रश्मीलाई भट्टराईले दुबई पठाउने भन्दै सिरिया पुर्‍याएको प्रहरीले जनाएको छ ।
भट्टराईले ७० जनालाई कुवेत र सिरियामा बेचेको पनि सीआइबीले जनाएको छ ।
भट्टराईको साथबाट चार थान राहदानी, १५ थान पुलिस रिपोर्ट र २० थान इभिसा र फोटोहरु बरामद भएको जनाइएको छ ।
उनले युवतीहरुलाई सुनौली नाका हुँदै भारतको नयाँ दिल्लीबाट खाडी मुलुकहरुमा बेच्ने गरेको पाइएको पनि प्रहरीले जनाएको छ । source:imagekhabar