Entertainment, News » "मान्छेको जस्तै अनुहार र टाउकोमा लिंग पलाएको भएको सुँगुर जन्मियो

भारतमा बाख्रीले मान्छेको जस्तै जिउ भएको पाठो जन्माएको खबर सेलाउन नपाउँदै चीनमा सुँगुरले मान्छेजस्तै बच्चा जन्माएको छ ।

चीनको नानिंगस्थित यानान क्षेत्रका बासिन्दा ताओ लु ले आफ्नो घरमा पालेको सुँगुरले मान्छेको जस्तै अनुहार भएको पाठो जन्माएको छ । अझ अनौठो कुरा त के भने उक्त सुँगुरको बच्चाको मान्छेको जस्तै अनुहारको माथिल्लो भागमा पुरुषको गुप्तांग जस्तै आकार पलाएको मिरर अनलाइनले जनाएको छ ।
सुँगुरले पछिल्लो बेतमा पाएका १९ जना बच्चा मध्ये १८ वटा सामान्य थिए । तर जब अन्तिममा १९ औँ बच्चा जन्मियो, तब ताओ आश्चर्यमा परे । उक्त सुँगरको अनुहार मान्छेको जस्तो मात्र थिएन निधारमा लिंग समेत पलाएको थियो ।
मान्छेजस्तै अनुहारको भएपछि किसान ताओको घरमा सुँगुरको बच्चा हेर्नेको भिड लागेको छ । उक्त विचित्र सुँगरलाई किन्नको लागि मानिसहरुले मोटो रकमको प्रस्ताव गरेको ताओले बताएका छन् ।
जन्मिँदा जिउँदै रहेको उक्त पाठोलाई उसको आमाले स्याहार गरेन । उक्त बच्चाले बोतलको दुध पनि नखाएपछि केही समयमै सुँगरको अनौठो पाठो मरेको थियो ।
सुँगरको त्यो अनौठो पाठो मरेपछि किसान ताओलाई चिन्ता लागेको छ । आफुलाई उक्त सुँगुर किन्नेहरुले राखेका प्रस्तावहरु सम्झिदा उनलाई ठूलै मौका गुमेजस्तो लाग्छ । यदि उक्त सुँगुर जिउँदै रहेको भए र आफुले त्यसलाई बेच्न पाएको भए जिन्दगीभर सुँगुर पालेर कमाउने रकम सोही सुँगुरको एउटा पाठोबाटै एक झट्कामा कमाउन सक्ने सपना तुहिएको छ उनको ।source tajakhabar
तर उनको आशा अझै मरेको छैन । उक्त अनौठो सुँगुरको बच्चालाई प्रदर्शनीमा राखेर पर्यटक आकषिर्त गरी धन कमाउने लक्ष्य उनको छ ।
f