शनिबार मेरो बिदाको दिन, तर मैले केही समयका लागि अफिस  (नेपाल बाणी रेडियो) जानुपर्ने थियो । बिहान ७ बजेतिर अफिस गएँ, काम गरेर फर्किदा बिहानको दश बजिसकेको थियो । हामी साथीहरूले अघिल्लो दिन नै नमोबुद्ध घुम्न जाने योजना बनाएका थियौं । त्यसैअनुसार हामी सबै काठमाडौंको पुरानो बसपार्कमा आइपुग्दा करिब ११ बज्न थालेको थियो । मौसम पानी पर्ला जस्तो भएकोले केही साथीले ‘कतै नजिकै घुम्न जाऔं’ भने, तर मैले ‘साताको एक दिन मात्रै छुट्टी पाउछु, त्यसैले नमोबुद्ध नै जाने’ भनेर जिद्दी गरे । हामी नमोबुद्ध जाने भनेर बस चढ्यौं । बस गुड्यो, हामी रमाइलो कुरामा मग्न भयौं ।