Sports News » .अष्ट्रियाका खेलाडी बस दुर्घटनामा..

काठमाडौं, जेष्ठ २९ । युरोपियन गेम्समा सहभागी हुन अजरबैजानको बाकु पुगेका अष्ट्रियाका तीन खेलाडी बस दुर्घटनामा परेका छन् ।

‘सिङ्क्रोनाइज स्विमिङ’तर्फका खेलाडीको समूहलाई बाकुस्थित एथ्लेट भिलेजभित्रै एउटा बसले ठक्कर दिएको बताइएको छ ।

बसको ठक्करबाट भानिसा साहिनोभिच गम्भीर घाइते भएकी छन् भने लुना पाजरलाई पनि चोट लागेको छ । उनीहरु दुबैजनालाई अजरबैजानका राष्ट्रपतिको निजी विमानमार्फत् अष्ट्रियाको भियना पु¥याइएको छ ।

अर्की घाइते भेरेना ब्रेइटलाई भने बाकुमै सामान्य उपचारपछि डिस्चार्ज गरिएको छ । अजरबैजानको प्रहरीले दुर्घटनाबारे छानबिन सुरु गरेको छ ।

युरोपियन गेम्सको सुरुआती संस्करण अजरबैजानको राजधानी बाकुमा शुक्रबारदेखि सुरु हुँदैछ । प्रतियोगितामा २० खेल समावेश छन् ।

जसमध्ये १६ खेल अर्को वर्ष ब्राजिलको रियो दि जेनेरियोमा आयोजना हुने ओलम्पिक खेलकुदमा समाविष्ट खेल रहेका छन् ।। source naulo-khabar