Business News » -निःशुल्क भिसा र टिकटले अर्बौंको हुन्डी कारोबार रोकिने...

काठमाडौं ।
खाडीका ६ मुलुक र मलेसियाका रोजगारदाताले नै नेपाली कामदारको हवाई टिकट र भिसा शुल्क व्यहोर्नुपर्ने निर्णय कार्यान्वयन भएपछि अर्बौ रुपैयाँको हुन्डी कारोबार रोकिने भएको छ ।

कमिसनका लागि भन्दै म्यानपावर एजेन्सीमार्फत विदेश पठाइने हुन्डी निःशुल्क भिसा र टिकटको व्यवस्थासँगै बन्द हुने भएको हो । श्रम तथा रोजगार मन्त्रीस्तरीय निर्णयबाट म्यानपावर एजेन्सीले सेवा शुल्कबापत बढीमा १० हजार रुपैयाँ लिन पाउने व्यवस्था गरिएको छ ।

श्रम तथा रोजगार राज्यमन्त्री टेकबहादुर गुरुङ रोजगारदाताले कामदार लिँदा भिसा र टिकट खर्च बेहोरेपछि अवैध रुपमा भने हुन्डी कारोबार पनि बन्द हुने बताउँछन् ।

‘अहिले पनि रोजगारदाताले कामदारको सम्पूर्ण खर्च बेहोरिरहेका छन्, तर यहाँका म्यानपावर व्यवसायीको अस्वस्थ प्रतिष्पर्धाले विदेशी एजेन्टलाई कमिसन तिर्ने होडबाजी चल्दा बिग्रेको हो,’ उनी भन्छन्,‘ फ्रि भिसा, फ्रि टिकट लागू गराएरै छाड्छु ।

यसबाट रकम बाहिरिने होइन, बरु कामदारको टिकट र कमिसनबापतको रकम नेपाल भित्रिन्छ ।’ आजको कारोबारमा खबर छ । Source:NepaliHeadlines