News » .इजरायलमा शक्तिशाली भुकम्प..........

इजरायलमा पनि भुकम्पको शक्तिशाली धक्का महसुस गरिएको छ । शनिवार साँझ   ६ बजेर ३४ मिनेट जाँदा ५ दशमलव २ रेक्टर स्केलको गएको अमेरिकन जियोलोजिकल सर्वेक्षण  विभागले  जनाएको छ   ।

इजिप्टको नुवायवीदेखि ४ किलोमिटर टाढा र दक्षिण इजरायलको एलात शहरदेखि ६३ किलोमिटरको दुरीमा केन्द्रविन्दु वनाएको गएको भुकम्पको विरसेभा, तेलअभिव, हदाशरोन, खुलोन, नतानिया, जेरुशलेम लगायत उत्तर नजेरेथ इलिटसम्म धक्का महसुस गरिएको इजरायली संचार माध्ययमहरुले जनाएका छन् ।  एलातमा सर्वसाधारहरु घर छोडेर खुल्ला मैदानमा निस्किएका छन् ।

एलातसिटी नजिकै रहेको किवुजका बासिन्दाहरुका अनुसार भुकम्प जानुअघि फार्ममा रहेका गाईहरु वेचैन भएर केही वेर कराएका थिए ।  भुकम्पका कारण  कुनै पनि क्षतिको विवरण प्राप्त नभएको जनाइएको छ ।

त्यस्तै भुकम्पको इजिप्टको राजधानी कायरोमा पनि शक्तिशाली धक्का महसुस गरिएको छ  भने जोर्डनको अक्वा क्षेत्रमा पनि धक्का महसुस भएको छ । त्यहाँका बहासिन्दाहरु घर छोडेर खुल्ला स्थानमा निस्किएको बताइएको छ ।

इजरायली संचार माध्यमहरुका अनुसार  आज केन्द्रविन्दु वनाएर भुकम्प गएको सो भेगलाई नै केन्द्रविन्दु वनाएर सन् १९०० पछि हालसम्म ६ देखि ७ रेक्टरस्केलसम्मका  ३ वटा भुकम्पहरु गइसकेका छन् ।source nponlinesansaar