News » यस्तो छ भूकम्पबाट भएको क्षतिको पछिल्लो अपडेट, देशभरको रिपोर्ट

२०७२ वैशाख २९ गते
काठमाडौँ, १० । मंगलबारको शक्तिशाली भूकम्पबाट भएको जनधनको क्षतिको विवरण आउने क्रम जारी छ ।
अहिलेसम्मको विवरण यस्तो छ:
दोलखामा १० जनाको मृत्यु ।

सिन्धुपाल्चोकमा चार जनाको ज्यान गएको प्रारम्भिक अनुमान ।
काठमाडौँ :
टेकुमा पर्खाल भत्किएर ११ बर्षीया बालिका जुनी जैसवाल र सुन्दरीजलमा एक बृद्धाको मृत्यु ।
नयाँबजार टाउन प्लान निवासी ७८ वर्षीया नरमाया घलेको भूकम्पपछि हृदयघात भएर मृत्यु ।
नयाँबजार ४ तले घर ध्वस्त, उक्त घरले मोटरसाइकलमा सवार एक व्यक्ति र केही बटुवाहरुलाई पुरेको स्थानीयको अनुमान ।
सामाखुशीमा एक बालक पुरिए, उद्धार प्रयास जारी ।
ललितपुरको ओमकार पोलिक्लिनिकको ४ तले भवन पूर्ण रुपमा ध्वस्त, ललितपुरमा १०७ घाइते ।
राजधानीको गोंगबू क्षेत्रमा दर्जनौं घरहरु भत्किए,दर्जनौं घाइतेलाई अस्पतालतर्फ लगिँदै ।
भक्तपुरमा ३२ जना भूकम्पमा घाइते ।
रामेछापमा ठूलो पहिरो ।
सिंहदरबारको मुख्य भवनमा थप क्षति ।
विद्यालयहरु थप २ साताका लागि बन्द ।
भूकम्पपछि संसदमा सभासदको भागाभाग ।
सोलुखुम्बुमा मानवीय क्षति छैनः प्रमुख जिल्ला अधिकारी,
भूकम्पछि बन्द भएको विमानस्थल खुल्यो
भूकम्प लगत्तै मन्त्रिपरिषदको बैठक सिंहदरबारमा ।
सुनसरीमा एकको मृत्यु, भागदौडमा तीन घाइते ।
रौतहटमा १ महिलाको मृत्यु, ५ घाइते ।
भारतीय प्रधानमन्त्री नरेन्द्र मोदीबाट नेपालमा उद्धारका लागि तयार रहन आफ्ना अधिकारीहरुलाई निर्देशन ।
अमेरिकी भूगर्भ विभागले ७.४ रेक्टरको भनेपनि ६.८ रेक्टरको भएको नेपालस्थित भूकम्प मापन केन्द्रको भनाइ ।
त्रिभुवन शिक्षण अस्पताल महाराजगन्जमा आजको भूकम्पमा परेर घाइते भएका ५७ जनाको उपचार भइरहेको अस्पतालले जनाएको छ ।
घाइतेहरुको उपचारका लागि अस्पताल बाहिर खुला चौरमा शिविर खडा गरिएको छ ।
काभ्रे – आजको भूकम्पमा परेर यस जिल्लाका विभिन्न भागबाट ल्याइएका घाइतेमध्ये २७ जना धुलिखेल अस्पताल र बाँकीको बनेपास्थित शीर मेमोरियल अस्पतालमा उपचार भइरहेको छ ।
भक्तपुर – भूकम्पबाट मध्यपुर थिमी नगरपालिका वडा नं ७ स्थित जितबहादुर चित्रकारको घर भत्किँदा पुरानो थिमी जाने सडक अवरुद्ध हुनुका साथै त्यस क्षेत्रमा धेरै घरहरु चर्किएका छन् ।
सुनसरी – यस जिल्लामा आज भूकम्पबाट रामधुनी भासी नपा–५ का ६५ वर्षीया देवी कुमारी राईको मृत्यु हुनाका साथै पाँच जना घाइते भएका छन्
स्याङ्जा- वालिङबाट पोखरा जाँदै गरेको ट्याक्सीमा पुतलीबजार नगरपालिका ७ भालु पहाडको भीरबाट ढुँगा खसेर लागेपछि दुईजना गम्भीर घाइते । घाइते हुनेहरुमा वालिङ नगरपालिका-८ बस्ने बर्ष ३६ का ख्यामप्रसाद काफ्ले र बर्ष २३ की अनु गिरी ।