Filmy Khabar » .यी हिरोइनले पनि गरिन सुटुक्क विवाह

शाहिद कपुरको विवाहले चर्चा पाइरहेको अवस्थामा एक बलिउड अभिनेत्रीले पनि सुटुक्क विवाह गरेको खुलासा भएको छ। समिक्षकले राम्रो टिप्पणी गरेको फिल्म 'यहाँ'बाट बलिउडमा डेब्यू गरेकी मिनिषा लाम्बाले सोमबार आफ्ना प्रेमी रायन थामसँग विवाह गरेकी हुन्। मिनिषाको विवाह गरेको खुलासा अर्की बलिउड अभिनेत्री पूजा बेदीले आफ्नो ट्विटर मार्फत गरेकी हुन्।

रायन र मिनिषाले पहिलो पटक आआफ्ना साझा साथीहरु मार्फत सन् २०१३ मा पहिलो पटक भेटेका थिए। त्यसपछि उनीहरुले एक अर्कालाई डेट गरिरहेका थिए। मिनिषाका पति पेसाले व्यवसायी हुन्। उनको जुहुमा ट्राइलोजी नामको नाइटकल्बका मालिक हुन्।
पूजाले उनको विवाहको खूलासा गरे पनि मिनिषा स्वयमले भने औपचारिकरुपमा केही बोलेकी छैनन्।source kala.setopati