Entertainment News » पुनम पाण्डेले सलमान संग बिशेष सम्बन्ध रहेको भनेपछि बलिउडमा भुइँचालो

मुम्बई । पुनम पाण्डे एक यस्ती नायिका हुन् जसलाई चर्चा र विवादमा आउन जस्तोसुकै बयान दिनका लागि पनि कठिनाई छैन ।

त्यतिमात्रै होइन उनी कहिले सामाजिक सञ्जालमा नग्न तस्वीरहरु शेयर गरेर होस् वा भिडियो राखेर तथा भारतले विश्वकप क्रिकेट जितेमा सबै कपडा खोल्ने बताएर उनले बेलाबेलामा चर्चामा आइरहन्छिन् ।
फेरि उनले एक यस्तो बयान दिएकी छन् जो सुनेर तपाईलाई पनि हाँसो उठ्न सक्छ । उनले पछिल्लो समयमा आफ्नो तुलना बलिउड सुपरस्टार सलमान खानसँग गरेकी छन् ।
उनले आफू र सलमानबीच धेरै समानता रहेको पनि बताएकी छन् । पुनमले भनिन्, ‘हामीबीच राम्रो कनेक्सन छ । उनलाई कँही न कँही आफ्नो कपडा खोलेका छन् र मैले पनि । त्यसकारण म यस कुरामा उनीजस्तै हुँ ।’
उनले आफूले सानैदेखि सलमान खानलाई देखेको बताएकी छन् । उनले आफूले सलमान खानलाई प्रेम गर्ने पनि खुलासा गरिन् ।
पुनम पहिलो पटक सन् २०११ मा भारतमै भएको विश्वकप क्रिकेटको उपाधी भारतले जितेमा आफूले सबै कपडा खोलेर मैदानमा उत्रने बताएर एकाएक चर्चा कमाएकी थिइन् ।
तर, त्यसबेला उनले भारतले विश्वकप जितेपनि आफ्नो भनाई पुरा गरिनन् । फिल्म ‘नशा’ बाट बलिउडमा पाइला टेकेकी पुनम फेरि फिल्म हेलनमा आउँदैछिन् । स्रोत नेपाल संदेश